संपादकीय
हमर सारंगढ़ – बिलाईगढ़ जिला ह नव सिरजन जिला आय जिन्हा दु विधानसभा आवत हे सारंगढ़ अउ बिलाईगढ़ ये दुनो जिला ह अनुसूचित जाति बर आरक्षित हे । जिन्हा 5 लाख ल ज़ादा वोट हावे । हमर सारंगढ -बिलाईगढ़ जिला के जिला कलेक्टर डॉ फरिहा आलम सिद्दकी जी ह चुनाव महापर्व ल लेके विधानसभा म अपन वोट ल लेके अपन स्तर में प्रचार -प्रसार के उदिम करत हें अउ वोट करे बर जागरूक घलो करते हें यही कड़ी म आज 6 अगस्त संगवारी दिवस के दिन
मतदाता जागरूकता ल लेके “स्वीप फ्रेंडशिप डे ” मनाए के आह्वान करके सबो युवा मन ल जागरूक करे के उदिम उठाये हें ये सुघ्घर उदिम आय ।
04 अगस्त के कलेक्टर डॉ. फरिहा आलम सिद्दीकी ह अपन नीरदेस करीन की मतदाता जागरूकता अभियान म जिला प्रशासन ने नवा से नवा -जुन्ना से जुन्ना सबो प्रकार के रीति-रिवाज ल अपना के नवा पीढ़ी के युवा मन ल जागरूक करे बर फ्रेंडशिप डे ल घलो अपन कार्य नीति म अपनाया हे अउ 6 अगस्त के स्वीप फ्रेंडशिप डे के रूप में मनाय जावत हे । संगी मन भर जहुरिया मन बर समर्पित फ्रेंडशिप डे के अवसर म मतदाता जागरूकता नारा भी तैयार कराए गेहे हे जैसे- दोस्त चलो आज एक काम कर जाते, हम भी मतदान करेंगे शपथ ले जाते, छत्तीसगढ़ी में नारा- चल संगी दोस्ती निभाबो, वोट देहे दूनो जाबो । आदि ये सब उदिम ह जागरूकता बर आय । यही सब ल हमन ल समझना हे अउ जिला के सबो युवा मन ल वोट करे बर जागरूक करना हे त आवा आने वाला विधानसभा म अपन वोट ल देके सरकार चुनी ।हमर जिला प्रसासन के आह्वान ल स्वीकार करी अउ मतदान के महत्व ल जानी अपन वोट ल संगी हो सरकार बनाये के हथियार बनाई ।
लक्ष्मी नारायण लहरे ‘साहिल,
साहित्यकार पत्रकार
कोसीर सारंगढ़
